Það er fleira en stórbrotin náttúran sem ber fyrir augu þegar ferðast er um sveitir landsins. Í þessari bráðskemmtilegu og fróðlegu bók er að finna fjölmargar spurningar og svör um lífið í sveitinni, auk margvíslegs fróðleiks í máli og myndum.

Einnig eru sagðar sögur af frægum dýrum, meðal annars kúnni Sæunni sem flúði slátrara á sundi og Tryllingi en hann er líklega eini hesturinn sem hefur staðið á tindi Heklu.

Þá eru í bókinni nokkrar MJÖG MIKILVÆGAR varúðarreglur – til dæmis má alls ekki fara á bak þjóðsagnaskepnunni nykri því að hann getur hlaupið með þig út í næstu tjörn með hrikalegum afleiðingum!